ပြည်တွင်းဝက်ဘ်ဆိုက်အားလုံးရဲ့ ၄၀% လုံခြုံရေး ကျိုးပေါက်နေ - iT Guider
Tech

ပြည်တွင်းဝက်ဘ်ဆိုက်အားလုံးရဲ့ ၄၀% လုံခြုံရေး ကျိုးပေါက်နေ

Written by Chan Myae Maung

နိုင်ငံအဆင့် ဆိုက်ဘာလုံခြုံရေးပြိုင်ပွဲတစ်ခု ကျင်းပသွားဖို့ ရှိပါတယ်။ ဆိုက်ဘာလုံခြုံမှု အနည်းဆုံး နိုင်ငံများထဲမှာ ပါဝင်နေတဲ့ မြန်မာနိုင်ငံမှ ဝက်ဘ်ဆိုက်အားလုံးရဲ့ ၄၀% ဟာ လုံခြုံရေးကျိုးပေါက်မှု ရှိနေတယ်လို့ နည်းပညာကျွမ်းကျင်သူများက ခန့် မှန်းထားပါတယ်။

ပြည်ပနိုင်ငံများမှ ဆိုက်ဘာတိုက်ခိုက်မှု တစ်ခု စတင်တိုင်း မြန်မာနိုင်ငံရှိ အစိုးရ ဝက်ဘ်ဆိုက်များနဲ့ စီးပွားရေးလုပ်ငန်းများရဲ့ ဝက်ဘ်ဆိုက် အနည်းဆုံး ၁၀ ခုနဲ့ အထက် ပုံမှန်တိုက်ခိုက်မှု ခံရပြီး ဆုံးရှုံးမှုများ ရှိနေကြတယ်လို့ လည်း အချက်အလက်များမှာ ဖော်ပြထားပါတယ်။ နည်းပညာလုံခြုံရေး ကျွမ်းကျင်သူ ဦးရဲကျော်သိန်းရဲ့အဆိုအရ ရည်ရွယ်ချက်ရှိရှိ Cyber attack လုပ်သူဟာ ၂၀% ခန့် ပဲ ရှိပြီး ကျန် ၈၀% ဟာ လက်တည့်စမ်းလိုတဲ့ သဘောနဲ့ ဆိုက်ဘာတိုက်ခိုက်မှု ပြုလုပ်နေတာလို့ ဆိုပါတယ်။
ပြီးခဲ့တဲ့ စက်တင်ဘာလထဲမှာပဲ ရခိုင်ပြည်နယ်တွင်း ဖြစ်ပွားခဲ့တဲ့ ဖြစ်စဉ်များနဲ့ ဆက်စပ်ပြီး တူရကီဟက်ကာများရဲ့ တိုက်ခိုက်မှုကြောင့် အစိုးရဝက်ဘ်ဆိုက်အပါအဝင် တစ်ခြား ဝက်ဘ်ဆိုက်ပေါင်း ၂၀ ကျော် ထိခိုက်ခဲ့ပါတယ်။

လက်ရှိမှာတော့ ဆောင်ရေးနဲ့ ဆက်သွယ်ရေး ဝန်ကြီးဌာန သတင်းအချက်အလက်နည်းပညာနဲ့ ဆိုင်ဘာလုံခြုံရေးဌာနမှ ဦးစီးပြီး အသက် ၃၀ နှစ်အောက် လူငယ်များ ဝင်ရောက်ယှဉ်ပြိုင်နိုင်မယ့် နိုင်ငံအဆင့် ဆိုက်ဘာလုံခြုံရေးပြိုင်ပွဲတစ်ခု ကျင်းပသွားဖို့ ရှိနေသလို လူငယ်များ ပါဝင်စစ်ဆေးနိုင်တဲ့ Pentest ဝက်ဘ်ဆိုက်လုံခြုံရေး စမ်းသပ်မှုလည်း လုပ်ဆောင်သွားဖို့ ရှိနေပါတယ်။

Source: Internet Journal

About the author

Chan Myae Maung

Leave a Comment